Real Madrid mendon të fitojë shumë para gjatë verës dhe është i gatshëm të shesë 11 lojtarë të ekipit të parë.

Sipas Sport, “Los Blancos” janë të gatshëm të largojnë lojtarët të cilët nuk janë në planet e Zinedine Zidane për të sjellë lojtarë të rinj, transmeton portali arbresh.info.

Gareth Bale, James Rodriguez dhe Mariano Diaz janë të parët në listën e shitjeve dhe do shiten menjëherë sapo të ketë blerës.

Mirëpo nuk përfundon me kaq. Brahim Diaz dhe Alvaro Odriozola gjithashtu janë në listën e të padëshiruarve dhe do largohen.

Gjithashtu tri transferimet e verës, Luka Jovic, Ederi Militao dhe Alfonse Areola nuk do mbeten në skuadër nëse ndonjë skuadër është e interesuar.

E në fund do shiten edhe lojtarët e vjetër të skuadrës si Luka Modric, Marcelo dhe Lucas Vazquez.

Me këto shitje, Real-i shpreson të transferojë disa yje si Kylian Mbappe, Sadio Mane, Fabian Ruiz, Erling Haaland dhe Paul Pogba./arbresh.info.